( صدر الشماًلي ) !!

صح الشمالي صدره أوسع من الكون !!
,,,,,,,,,,,,,,,,,,,,, بس انتبه لاضاق ( صدر الشماًلي ) !!

وصح انك "الغالي" وانا فيك "مجنون" !
,,,,,,,,,,,,,,,,,,,,, بس انت ماقدّرت من قال : غالي

خيبت ، هقواتٍ كثيرات و ظنون
,,,,,,,,,,,,,,,,,,,,, وأخلفت ماكان بخيالي .. وبالي

وخليت كل الناس عندي يقولون :
,,,,,,,,,,,,,,,,,,,,, " مسكين يمشي بالهوى دون والي "

و الناس ناس .. وأكثر الخلق يدرون
,,,,,,,,,,,,,,,,,,,,, باللي معك صاير .. وماقد مضالي

كم قلتلك ( لاتفعل اللي ) .. يسووون
,,,,,,,,,,,,,,,,,,,,, خلك معى مخلص .. بأول وتالي

كم قلت لك إتركٍ هل الهرج يحكونً
,,,,,,,,,,,,,,,,,,,,, وأرفع مقام الحب .. دايم بعالي

لأن الهوى مبدا.. و حكمه .. و قانون
,,,,,,,,,,,,,,,,,,,,, ( شيّءٍ كبير .. وشيّ ِ .. شي ٍمثالي )

الله لو تدري إليا غبت وشلون !
,,,,,,,,,,,,,,,,,,,,, حالي .. إليا من غبت .. وشلون حالي

لارحت ضلعي من عنا البعد محزون
,,,,,,,,,,,,,,,,,,,,, حتى منامي .. لاحشا .. ماهنالي !!

وإن جيتني دمي و روحي يغنون
,,,,,,,,,,,,,,,,,,,,, " دبكة غلاً " .. من بعد طول إنشغالي

( واليوم ماني فيك مغرم ومفتون
,,,,,,,,,,,,,,,,,,,,, اليوم أنا في غيبتك صرت سالي ) !

مالك و مالي .. منتْ للخافق تمون !
,,,,,,,,,,,,,,,,,,,,, وإنْ قلت : ليه .. أقول : مالك ومالي !

وأكيد لك رجعه وأنا اكيد بكون
,,,,,,,,,,,,,,,,,,,,, أحرقتً صفحاتك ولا لك توالي

وبسّمعك .. ( أحلام ) لاجرت لحون
,,,,,,,,,,,,,,,,,,,,, وش ذكرك حب طوته الليالي

نعم طويتك !! .. والغلا مات مطعون
,,,,,,,,,,,,,,,,,,,,, حتى خيالك بقتله لا طرالي

ملعون أبو قلبي إذا جاك .. ملعون
,,,,,,,,,,,,,,,,,,,,, وأنا معرب من( عمام و خوالي )

أنا شمالي صدري أوسع من الكون
,,,,,,,,,,,,,,,,,,,,, بس إنتْ .. ماخليت صدري شمالي !!
,,,,,,,,,,,,,,,,,,,,, بس إنتْ .. ماخليت صدري شمالي !!





من روائع /خلف المشعان